Në panairin ndërkombëtar të industrisë së mbrojtjes që do të mbahet në Stamboll (IDEF’19), i cili është renditur tashmë në mesin e aktiviteteve prestigjioze të botës në këtë fushë, këtë vit do të ketë edhe një risi të rëndësishme në aspektin e Turqisë.
Për herë të parë në këtë panair do të prezantohet helikopteri sulmues i kategorisë së rëndë, i njohur në publik si “Atak-2”
Helikopteri do të ngjitet në vitrinën e panairit i pajisur me makete të municioneve prodhim vendor.
Projekti i Helikopterëve Sulmues të Kategorisë së Rëndë është filluar nga Forcat e Armatosura Turke (TSK) për të përballuar nevojat e ushtrisë në këtë fushë.
Qëllimi i projektit është prodhimi në seri i helikopterëve duke projektuar një helikopter sulmues efektiv dhe shkëshillues me aftësi të tilla si: të bartë ngarkesa të dobishme në sasi të mëdha; të jetë rezistues ndaj ndikimeve detyruese mjedisore; të ndjekë dhe monitorojë objektivin me teknologji të përparuar; të jetë i pajisur me sisteme të luftës elektronike, fluturimit të sigurt, ndërlidhjes dhe sisteme armatimi; të ketë aftësi manovruese dhe një performancë të lartë.
Panairi i 14-të Ndërkombëtar i Industrisë së Mbrojtjes (IDEF’19) do të organizohet në Stamboll në datat 30 prill – maj. /trt/tesheshi.com/
