Kompania farmaceutike turke VisCoran Ilac Sanayii është e gatshme të prodhojë miliona doza të vaksinës ruse Sputnik V, sapo të sigurohen teknologjitë e duhura, tha Ozturk Oran, kryetari i bordit të drejtorëve të kompanisë.
“Pas përfundimit të procesit të transferimit të teknologjisë midis dy vendeve, ne do të jemi në gjendje të prodhojmë miliona doza në Turqi,” i tha ai agjencisë Demiroren.
Eksportet në vendet e tjera
Sipas tij, kompania farmaceutike turke filloi negociatat me Fondin Rus për Investime Direkte në prill të vitit të kaluar.
Oran tha se situata është aktualisht “në fazat e fundit të një procesi në Ministrinë e Shëndetësisë në lidhje me prodhimin”.
“Ka edhe kompani me të cilat kemi biseduar në lidhje me kapacitetin prodhues. Pritet që vaksina të prodhohet në vendin tonë, si dhe të eksportohet në vendet e tjera, përfshirë ato evropiane,” shtoi ai.
Kështu, Turqia nga vend konsumues i vaksinës ruse do shndërrohet dhe në vend prodhues i saj. /tesheshi.com/
