Jo vetëm të rinjtë por edhe të moshuarit po kalojnë një sasi të madhe kohe para ekraneve.
Grupet e hulumtimit në Turqi po thonë se nuk janë vetëm adoleshentët të varur nga teknologjia smart. Sipas të dhënave që kanë mbledhur, një pjesë e madhe e “pacientëve” janë edhe moshat e shtyra.
“Të moshuarit midis 65 deri në 70 vjeç po kalojnë më shumë se katër orë në ditë në ekranet e celularëve. Mjetet digjitale janë bërë organ i joni”, thotë Tuncay Dilci, kreu i shoqatës për luftimin e varësisë nga interneti.
“Të moshuarit kontrollojnë nëse e kanë me vete pajisjen e tyre dixhitale edhe kur shkojnë në tualet apo në kuzhinë, thotë Dilci, i shqetësuar për natyrën e kësaj varësie.
“Ka disa njerëz, të cilët e mbajnë televizorin të ndezur gjatë gjithë ditës. Ka edhe nga ata, të cilët ndjehen vetëm kur TV-ja është e fikur. Kemi zëvendësuar njerëzit me ekrane, kjo është për të ardhur keq” thotë ai.
Ndonëse 16% e të anketuarve në moshë kanë pranuar se varen nga mjetet digjitale, Dilci theksoi se kjo përqindje është disa herë më e madhe.
Sipas të dhënave kombëtare për shtrirjen e rrjetit të internetit, 86 % e territorit turk ka mbulueshmëri të plotë të valëve ndërkombëtare, gjë që bën celularët mjet të pandashëm edhe në hapësirat më rurale. /tesheshi.com/
