Këshilli i Sigurimit Kombëtar të Turqisë ka thënë se nuk ka devijime në mbrojtjen e interesave të popullit turk në tokë, në det ose në ajër, duke komentuar zhvillimet e fundit në Mesdheun lindor.
“Turqia është në favor të dialogut në çdo platformë në lidhje me shpërndarjen e drejtë të burimeve natyrore në rajon,” thuhet në një deklaratë e lëshuar pas një takimi të Këshillit, kryesuar nga Presidenti Rexhep Tajip Erdogan.
Shtohet se Turqia u bën thirrje Bashkimit Evropian dhe organizatave të tjera të “respektojnë të drejtat dhe interesat e Turqisë dhe Republikës Turke të Qipros Veriore në Mesdheun lindor”.
“Turqia u bën thirrje vendeve që shkelin ligjin ndërkombëtar të veprojnë me maturi, veçanërisht në lidhje me çmilitarizimin e ishullit,” tha Këshilli i Sigurimit Kombëtar.
“Paqja dhe prosperiteti në Siri dhe Libi”
“Turqia, e cila ka qenë gjithmonë në anën e ligjit dhe drejtësisë në çdo konflikt rajonal dhe global, ka marrë gjithashtu pozicionet dhe veprimet e saj në Mesdheun lindor të udhëhequr nga të njëjtat parime,” tha deklarata.
U tha gjithashtu se Turqia do të vazhdojë të bëjë përpjekjet e nevojshme për të vendosur paqen dhe sigurinë në Siri.
“Turqia do të mbajë pozicionin e saj për të siguruar paqen dhe prosperitetin në Siri dhe Libi, ku mbron luftën kundër terrorizmit dhe vendosjen e stabilitetit,” tha deklarata.
Turqia i bën thirrje bashkësisë ndërkombëtare të ndërmarrë hapat e nevojshëm kundër organizatave terroriste që uzurpojnë lirinë dhe burimet e vendeve dhe popujve të shtypur. /tesheshi.com/
