Një gjykatë turke vendosi ta lërë në burg prifti amerikan Andrew Craig Brunson, i akuzuar për terrorizëm dhe spiunazh.
Brunson, një prift nga Karolina e Veriut i cili ka jetuar në Turqi për më shumë se 20 vjet, akuzohet për mbështetje të Partisë e Punëtorëve të Kurdistanit, si dhe për rol kontributor në grushtin e shtetit të korrikut 2016 që përfundoi i dështuar.
Zyrtarët amerikanë kanë kërkuar nga Turqia që ta lirojë Brunsonin, ku vetë Presidenti Trump i ka kërkuar Ankarasë kthimin shpejt të priftit.
Por nga ana tjetër, thuhet se Presidenti Erdogan kërkon një këmbim klerikësh; e jep priftin ungjillor në rast se Uashingtoni ekstradon imamin Fethullah Gylen, i cili jeton në mërgim në Shtetet e Bashkuara.
Që të dy bashkohen në akuzën e grushtit të shtetit.
Vendimi i drejtësisë turke për pirftin, pritet të jepet muaj më vonë. E nëse do dënohet sipas akuzave që e rëndojnë, rrezikon 35 vjet burg. /tesheshi.com/
