Turqia do të dërgojë një aeroplan në qytetin suedez të Malmoe-s për të marrë një shtetas të saj të infektuar me koronavirusi, i cili është refuzuar nga shërbimi spitalor vendas.
Emrullah Gulusken, 47 vjeç, i rezultuar me koronavirus, raportoi te një mjek por u kthye në shtëpi pa u marrë për trajtim. Vajzat e tij Samira dhe Leyla nisën të kërkojnëndihmë përmes faqeve të rrjeteve sociale, dhe ministri turk i Shëndetësisë Fahrettin Koca iu përgjigj thirrjes së tyre.
“Unë jetoj me familjen time në Suedi. Babai pati ethe 11 ditë më parë dhe filloi të kishte vështirësi në frymëmarrje. Ne kontaktuam mjekët, por për fat të keq askush nuk na u përgjigj. Ne i kemi thirrur në mënyrë të përsëritur me ditë të tëra , por askush nuk u është përgjigjur thirrjeve tona”, tha Samira Gulusken në një video në mediat sociale.
Ndërkohë, Ambasada Turke në Stokholm dhe Drejtoria për Diasporën Turke dhe Komunitetet e Përafërta (YTB) kanë kontaktuar me familjen Gulusken. Ministri i Shëndetësisë Fahrettin Koca foli me Samiran dhe mori informacione për gjendjen mjekësore të babait të saj.
Koca ofroi konfirmoi që një aeroplan mjekësor evakuimi do të dërgohej në Suedi dhe se e gjithë familja do të transferohej në Antalia.
Vajza tjetër, Leyla Gulusken i tha reporterit AA se gjendja e babait të saj ishte përkeqësuar dje, dhe se ata e thërrisnin sërish spitalin.
“Pas kësaj, mbërriti një ambulancë, ata na folën shumë ashpër, padyshim të zemëruar për thirrjet tona. Ata thanë se nuk mund të bënin asgjë kundër sëmundjes. Ne thamë se e dinim që ende nuk kishte kurë për sëmundjen, por babai ynë duhet të pranohet në spital në mënyrë që shëndeti ynë të mos rrezikohet”, tha ajo në rrëfimin e saj. /tesheshi.com/
