Turqia do të kërkojë ekstradimin e dy ish-prokurorëve nga Gjermania, të cilët akuzohen se u përpoqën të rrëzojnë qeverinë. Lajmin e bëri të ditur presidenti Recep Tayyip Erdogan.
Zekeriya Oz dhe Celal Kara, të përfshirë në një hetim të nisur në vitin 2013 që kishte për shënjestër ministra të lartë të kabinetit Erdogan, u arratisën në Armeni përmes Gjeorgjisë, ditën e hënë, pak përpara se një urdhër arresti të lëshohej për tad he për një tjetër ish-prokuror, Mehmet Yuzgec.
Media turke raportoi se ata kishin udhëtuar nga Armenia drejt Gjermanisë.
Duke mbajtur një fjalim përpara grupeve të shoqërisë civile në Rize, një qytet në Detin e Zi, Erdogan sugjeroi se Gjermani do të përballet me vështirësi për të ekstraduar të dyshuar nga Turqia, nëse Oz dhe Kara nuk ekstradohen.
“Do të shohim se si do të veprojë Gjermania”, tha ai, “ata nuk nuk mund të kërkojnë më ekstradimin e të dyshuarve, nëse nuk zbatojnë kërkesën e Turqisë në këtë rast”.
Tre ish-prokurorët akuzohen për krijim grupi criminal dhe përpjekje për rrëzim të qeverisë me forcë në një komplot të hartuar nga predikuesi Fetullah Gulen që ndodhet në azil në Shtetet e Bashkuara. /tesheshi.com/
