Forcat turke të sigurisë kanë arrestuar një person të rangut të lartë të ISIL-it, tha vetë presidenti turk Rexhep Tajip Erdogan, raportojnë agjencitë.
Komandanti me emrin e koduar “Abu Zeyd” u kap në Turqi si pjesë e një operacioni të kryer nga policia dhe forcat e agjencisë turke të inteligjencës, tha Erdogan pas kthimit nga turneu i tij në Ballkan, në të cilin ai vizitoi Bosnje, Serbinë dhe Kroacinë.
Emri i vërtetë i Abu Zeyd është Bashar Hattab Ghazal al-Sumaidai, dhe një raport i korrikut i Këshillit të Sigurimit të OKB-së e rendit atë si “një nga drejtuesit e lartë të ISIL-it.
Mediat turke raportuan se al-Sumaidai mund të jetë në të vërtetë njeriu i njohur si Abu Hasa al-Hashimi al-Qurashi – irakiani që është lideri i ri i të gjithë ISIL-it.
Hyrja e paligjshme në Turqi
Megjithatë, Erdogan tha për al-Sumaidai se ai është udhëheqësi i ISIL në Siri.
“Gjatë marrjes në pyetje, ai tha se ai është gjithashtu një i ashtuquajtur ‘kadi’ (gjyqtar) i të ashtuquajturës Ministria e Arsimit dhe Ministrisë së Drejtësisë”, raportojnë mediat turke fjalët e Erdogan.
Presidenti turk nuk tha se kur u kap komandanti i ISIL-it, por Agjencia Anadolu thekson se komandanti u transferua në gjykatat turke pasi u mor në pyetje nga policia dhe zyrtarët e inteligjencës.
“Lidhjet terroriste mes Sirisë dhe Stambollit janë monitoruar për një kohë të gjatë dhe sipas të dhënave që kemi marrë, thuhet se ai ka hyrë ilegalisht në Turqi”, tha Erdogan. /tesheshi.com/
