Turqia garanton sigurinë e të dhënave për sistemet antiraketore S-400 të blera nga Rusia, tha Ismail Demir, një zyrtar turk përgjegjës për industrinë ushtarake.
“Rusia ka shprehur shqetësimin për të dhënat (sigurinë) për S-400 dhe Turqia premton t’i mbrojë ato,” i tha Demir një gazete turke, siç raportohet nga agjensia ruse e lajmeve Tass.
Muajin e kaluar, senatori amerikan John Thune propozoi një ndryshim në ligjin kombëtar të mbrojtjes që do t’i lejonte SHBA të blinin sisteme S-400 nga Turqia.
Tejkalimi i ngërçit
Kjo, siç raportohet nga gazeta amerikane Defense News, do të kapërcejë ngërçin midis Uashingtonit dhe Ankarasë në lidhje me pjesëmarrjen e Turqisë në programin amerikan për prodhimin e aeroplanëve luftarakë të gjeneratës së pestë F-35.
Shtëpia e Bardhë njoftoi në mes të këtij muaji se vendimi i Turqisë për të blerë sisteme S-400 parandalon pjesëmarrjen e përhershme të vendit në projektin e prodhimit të F-35.
Rusia njoftoi në shtator 2017 se kishte nënshkruar një kontratë 2.5 miliardë dollarë për shpërndarjen e sistemit S-400 në Turqi, dhe dorëzimi i parë u bë në korrik të vitit të kaluar. /tesheshi.com/
