Turqia i ka bërë thirrje Shteteve të Bashkuara që të ndalojnë mbështetjen ndaj luftëtarëve të Forcës Kombëtare të Mbrojtjes Kurde (YPG) në Siri, dhe paralajmëroi se në të kundërtën do të rrezikonte një konflikt me forcat turke në terren. Kjo është një nga deklaratat më të ashpra të një konflikti të mundshëm me aleatin e saj në NATO.
Ky qëndrim i fundit i Ankarasë tregon më së miri për tensionet në rritje në marrëdhëniet dypalëshe, gjashtë ditë pasi Turqia nisi një ofensivë ajrore dhe tokësore në krahinën e Afrin në veriperëndim të Sirisë.
Lëvizjet e mundshme të forcave turke drejt Manjib-it, një pjesë e territorit kurd rreth 100 kilometra në lindje të Afrinit, do të kërcënonin përpjekjet e SHBA-së për të stabilizuar verilindjen e Sirisë dhe do t’i sillnin ata në konflikt të drejtpërdrejtë me trupat amerikane në atë zonë.
“Ata që mbështesin organizatat terroriste do të bëhen objektiva në këtë betejë”, tha zëvendëskryeministri Bekir Bozdag.
“Shtetet e Bashkuara duhet të mendojnë për ushtarët e vet dhe elementët që mbështesin terroristët në terren, në mënyrë që të shmangin konfliktin me Turqinë”, shtoi Bozdag.
Zyrtarisht, SHBA ka gati 2,000 trupa në Siri në koalicionin ndërkombëtar kundër ISIS-it.
Uashingtoni zemëroi Ankaranë duke i dhënë armë dhe mbështetje ajrore dhe duke ofruar trajnimin e kurdëve sirianë, të cilët Turqia i konsideron terroristë.
Presidenti i SHBA, Donald Trump i bëri thirrje Erdogan të mërkurën që të përmbahen nga operacionet ushtarake në Siri, njoftoi Shtëpia e Bardhë.
Por Turqia rrëzoi një prezantim të tillë të përmbajtjes së bisedës.
“Presidenti Trump nuk ka shprehur asnjë shqetësim për shkak të përshkallëzimit të dhunës në lidhje me operacionin ushtarak në vazhdim në Afrikë”, tha një zyrtar turk.
“Biseda e dy udhëheqësve në Operacionin e ‘Dega e Ullirit’ ishte e kufizuar në shkëmbimin e mendimeve”, shtoi ai. /tesheshi.com/
