Presidenti Rexhep Tajip Erdogan tha se vendi i tij arriti një rekord vjetor në eksporte prej 168.1 miliardë dollarësh në vitin 2018.
“Ne e çuam eksportin vjetor në 168.1 miliardë dollarë. Ky është eksporti më i madh në historinë e Turqisë. Synimi ynë i vendosur për eksport ishte 170 miliardë, kështu që ishim shumë afër”, tha Erdogan duke shtuar:
“Pavarësisht sulmeve të shumta në trekëndëshin e kursit të këmbimit, normave të interesit dhe inflacionit, Turqia shënoi një rritje prej 4.5 për qind në tre tremujorët e parë të vitit 2018.”
Erdogan i bëri këto komente në Izmir, gjatë një ceremonie në paraqitjen e kandidatëve për zgjedhjet lokale të 31 marsit të këtij viti. /tesheshi.com/
