Turqia ka njoftuar se do të ofrojë katër milion lira (635,000 euro) për informacion që mund të çojë në arrestimin e shtetasit palestinez Mohammad Dahlan, për të cilin thuhet se ndodhet në Emiratet e Bashkuara Arabe.
Ankaraja e akuzon Dahlan si të përfshirë në grushtin e shtetit të dështuar në Turqi në korrik, 2016, që kishte si synim rrëzimin e pushtetit të Presidentit Erdogan.
Ministri turk i brendshëm Sulejman Soylu i tha gazetës Hurriyet se Dahlan do të renditej si “terroristi më i kërkuar”.
Para se të zhvendosej në Emirate, Dahlan u bë një kundërshtar i ashpër i Presidentit palestinez Mahmoud Abbas, ish-aleati i tij në Partinë Fatah.
Mediat turke, përveç akuzave për implikim në grushtin e shtetit, e akuzojnë Dahlan dhe për një rol në vrasjen e gazetarit saudit Jamal Khashoggi në konsullatën e Arabisë Saudite në Stamboll.
Kreu i diplomacisë turke akuzoi Emiratet në fund të tetorit për fshehjen e “terroristit Dahlan”, duke shtuar se palestinezët e larguan nga vendi “sepse ai është një agjent i Izraelit”.
Në vitin 2016, një gjykatë palestineze dënoi Dahlan me tre vjet burg për korrupsion në mungesë dhe e urdhëroi atë të paguante 16 milion dollarë, thanë avokatët e tij.
Mohammad Dahlan njihet si mik dhe si me Presidentin serb Aleksandar Vuçiç.
Thuhet se ai është në krye të një projekti amerikano-izraelit për investime në Serbi, si mënyrë për të parandaluar ndikimin turk në Ballkan. /tesheshi.com/
