Në qytetin turk të Hatay-t, një nga më të goditurit nga dy tërmetet shkatërruese të 6 shkurtit, një qen u shpëtua nga rrënojat edhe 25 ditë pas tërmetit.
Ekipet e AFAD-it dhe shërbimeve të tjera po punonin për pastrimin e rrënojave në Antakya, kur dëgjuan një zë nën një prej rrënojave, i cili u pasua nga një kërkim.
Pas një operacioni të suksesshëm nga ekipet e kërkim-shpëtimit, 25 ditë pas tërmeteve shkatërruese, një qen terrier u nxor me sukses nga nën rrënoja.
Čudo u Turskoj!!!
Ispod ruševina 25 dana nakon zemljotresa spašen pas! #hataydepremi #miracle #turkiye
Video: @anadoluagency @AnadolijaB pic.twitter.com/GFKfgn1Cnx— Radio Sarajevo (@radiosarajevo) March 2, 2023
U konstatua se qeni arriti të gjente ushqim nën rrënoja, ku u bllokua dhe kështu mbijetoi. Pasi u nxorr nga nën rrënoja, qeni u dërgua në një klinikë veterinare.
Gjatë largimit të rrënojave, në të njëjtin vend është gjetur edhe trupi i një personi që supozohet se është pronari i qenit të shpëtuar.
Kujtojmë se më herët, pas 23 ditësh nga tërmeti shkatërrues, u shpëtua qeni Aleks. Qeni u nxor nga një grumbull betoni dhe mbeturinash pranë Antakyas, gjithashtu në provincën Hatay, raportuan mediat lokale.
Ekipet ishin në zonë duke kontrolluar një vend për të ndërtuar një strehë të përkohshme për të mbijetuarit nga tërmeti dhe dëgjuan qenin. /tesheshi.com/
