Platforma e Shoqërisë Civile e Ankarasë (ASTP), me anë të një deklaratë i ka bërë thirrje komunitetit ndërkombëtar që të mbrojnë Xhaminë Aksa dhe monumentet e kulturës në Palestinë nga agresioni izraelit.
Në thirrjen e përbashkët u kërkohet të gjithë muslimanëve që të ndërgjegjësohen për rëndësinë fetare të Xhamisë Al-Aksa, duke e konsideruar kauzën e Palestinës si një detyrë fetare, por edhe humane njëkohësisht.
Në deklaratë i bëhet thirrje veçanërisht Organizatës së Bashkëpunimit Islamik dhe Organizatës së Kombeve të Bashkuara që të përdorin të gjitha rrugët e mundshme diplomatike për të ndihmuar Palestinën. Po ashtu, i kërkohet në veçanti OKB-së që të zbatojë sanksionet kundër Izraelit, si regjim okupues.
Në tekstin e deklaratës të publikuar sot në disa gjuhë të ndryshme po ashtu i kërkohet organizatave të shoqërisë civile që të forcojnë solidaritetin dhe bashkëpunimin midis tyre për çësthjen e Palestinës. Po ashtu u bë thirrje për krijimin e një Forumi të përbashkët mbi Jeruzalemin. /tesheshi.com/
