Vrasja e ambasadorit rus në Ankara, nuk i ka penguar ministrat e Jashtëm të Turqisë, Rusisë dhe Iranit që ta realizojnë takimin e tyre, pas së cilit kanë rënë dakort për rëndësinë e integritetit territorial të Sirisë dhe sigurimin e paqes në shkallë vendi.
Kreu i diplomacisë turke, Çavusholu theksoi nevojën e vendosjes së një armëpushimi në të gjithë Sirinë, ku ai dhe dy homologët janë zotuar që të veprojnë si garantues dhe të ofrojë ndihmë për të përgatitur një marrëveshje mes regjimit dhe opozitës.
“Ministrat pajtohen për rëndësinë e zgjerimit të armëpushimit, shkuarjen e ndihmave humanitare tek njerëzit në nevojë, si dhe lëvizjen e civilëve në gjithë territorin sirian”, tha nga ana e tij kreu i diplomacisë së Moskës, Lavrov.
Më tej, Lavrov vuri në dukje se bashkëpunimi mes tre vendeve siguron dhe evakuimin e civilëve dhe luftëtarëve të opozitës në Halep, dhe shtoi se evakuimet pritet të përfundojë brenda disa ditësh.
Dhe pas takimi trepalësh, ëshët zhvilluar dhe një dypalësh mes Çavusholusë dhe Lavrovit, me temë diskutimi vrasjen e ambasadorit Karlov.
Çavusholu tha se vrasja e ambasadorit kishte për qëllim cenimin e marrëdhënieve turko-ruse. Ai shtoi se populli turk ëshët po aq i mërzitur për vdekjen e ambasadorit sa popullit rus.
“Karlov ishte një diplomat i mirë, një njeri i mirë,” tha ai, duke shtuar se një ekip i përbashkët hetimor me ekspertët rusë do të formohet për të zbuluar motivin prapa sulmit.
Po në këtë takim u vendos që rruga e ambasadës ruse në Ankara do të riemërohet “Karlov Street”, pra me mbiemrin ambasadorit të vrarë. /tesheshi.com/
