Pas fundosjes së anijes, që dyshohet se transportonte emigrantë të paligjshëm nga zona jugperëndimore e provincës Mugla në Turqi në drejtim të ishullit Hios, janë shpëtuar 34 persona, konfirmojnë zyrtarë turq.
Rojet bregdetare turke, gjatë këtij operacioni shpëtuan një fëmijën trevjeçar. Sipas informacioneve fillestare, anija u fundos në detin Egje ndërsa po lundronte për në ishullin grek Hios, që ndodhet rreth 3,2 kilometra nga brigjet e Turqisë. Zyrtarët e Rojës Bregdetare thanë se në anije kryesisht kishte sirianë, afganë dhe iranianë.
Disa prej emigrantëve të shpëtuar janë vendosur në spitalin shtetëror në Bodrum.
Turqia shpesh përdoret si vend transit nga emigrantët e paligjshëm që synojnë të shkojnë në Evropë. Sipas raporteve të fundit, ekipet turke të shpëtimit kanë shpëtuar 1.497 emigrantë dhe kanë arrestuar gjashtë persona të dyshuar për trafikim në 60 aksione kanë kryer në Detin Egje gjatë 2015.
