Në prag të Kurbanit Bajramit, zyrtarët e policisë në qytetin turk Cine, në vend të gjobave, u kanë shpërndarë shoferëve çokollata dhe karamele.
Qëllimi i këtij veprimi të veçantë ishte që drejtuesit e mjeteve të pushonin pak, gjatë udhëtimit të tyre.
Gjithashtu, shoferëve iu shpërndanë edhe broshura, për t’i senzibilizuar ata lidhur me disa rregulla në qarkullim.
Policia tha se kishin vendosur të ndalonin mjetet, për të qerasur drejtuesit e tyre, por edhe pasagjerët, me ëmbëlsira, në mënyrë që të reduktojnë bllokimin në trafik, por edhe aksidentet e mundshme.
Ata theksuan se përgjumja dhe shpejtësia janë shkaku më i madh i aksidenteve, si para ashtu edhe gjatë festave fetare. /tesheshi.com/
