Një gjykatë turke dënoi të mërkurën me burgim të përjetshëm 92 të pandehur, duke përfshirë personel të lartë të ushtrisë, për pjesëmarrjen në një përpjekje të dështuar grushti shteti në 2016.
Më shumë se 250 njerëz u vranë në një përpjekje për të përmbysur qeverinë më 15 korrik 2016, kur ushtarakë renegatë u përpoqën të merrnin institucionet kryesore me aeroplanë luftarakë, helikopterë dhe tanke.
Dymbëdhjetë të pandehur, duke përfshirë komandantë të forcave tokësore, morën dënime të përjetshme pa mundësinë e faljes.
Muajin e kaluar, gjykata ndëshkoi veçmas udhëheqësit e përpjekjes për grusht shteti që Ankaraja akuzon, përfshirë klerikun iFethullah Gulen, i cili është në mërgim në Shtetet e Bashkuara.
Rreth 292,000 njerëz janë arrestuar për lidhje të dyshuara me Gulenin dhe gati 100,000 po presin gjyqin, tha ministri i Brendshëm Sulejman Sojlu.
Rreth 150,000 punonjës të sektorit publik u pushuan nga puna ose u pezulluan pas grushtit të shtetit dhe gjykatat vendosën gati 2,500 dënime të përjetshme. Ministria e Mbrojtjes dëboi më shumë se 20,000 ushtarakë. /tesheshi.com/
