Bashkimi Europian dhe Turqia nënshkruan në samitin e Brukselit një marrëveshje për të ulur fluksin e refugjatëve.
Turqia do të ketë përfitime ekonomike dhe politike nëse forcon kontrollin në pikat kufitare.
Sipas marrëvshjes, BE-ja do t’i japë Turqisë 3 miliardë euro, për përmirësimin e kushteve të jetesës së refugjatëve sirianë në Turqi, ndërsa në aspektin politik Turqia do të përfitojë rinisjen e bisedimeve për anëtarësimin e saj në BE.
Presidenti i Këshillit Europian, Donald Tusk, nënvizoi se marrëveshja është projektuar për të kontrolluar fluksin e emigrantëve, por nuk pritet që Turqia të ruajë kufijtë e BE-së.
“Dua të qartësoj diçka, ne nuk presim nga askush që të ruajë kufijtë tanë, kjo është një detyrë që mund dhe duhet të bëhet vetëm nga europianët. Por, ajo që presim është bërja e një hapi të rëndësishëm që do të ndryshonte rregullat e lojës kur bëhet fjalë për fluksin e refugjatëve që hyjnë në BE nga Turqia.”
Këtë vit kanë hyrë në BE rreth 1.5 milion refugjatë, ndërkohë që vetëm në Turqi jetojnë rreth 2.2 milionë refugjatë sirianë./tesheshi.com/
