Momentet dramatike të përjetuara nga pasagjerët e një autobusi në Turqi, kur drejtuesi i mjetit humbi kontrollin e mjetit duke bërë që ai të bjerë në një liqen dhe të mbushet me ujë, janë regjistruar nga kamerat e sigurisë.
Videoja e parë tregon momentin kur autobusi që shkon për në vendqëndrimin e trageteve të Atabay në Turqinë lindore, zhytet në liqenin Karakaya.
Pamjet tregojnë autobusin që i afrohet tragetit me shoferin që manovron për të hyrë në të, por në fund humbet kontrollin dhe mjeti përfundon në ujë.
Akoma më tronditëse janë pamjet nga kamerat e sigurisë së autobusit që tregojnë automjetin duke u mbushur me ujë dhe pasagjerët të tmerruar që përpiqen të dalin prej tij për të shmangur mbytjen.
Me sa duket, pasagjerët luftuan për të mbajtur kokën mbi ujë ndërsa prisnin të mbërrinte ndihma.
📽 Feribota yolcu taşıyan otobüsün gölete düşme anı araç içi kamerasına yansıdı
📌 Malatya'nın Battalgazi ilçesinde, Karakaya Baraj Göleti'ne otobüsün düşmesi sonucu 3 kişi yaralandı. pic.twitter.com/TEf9v56AGk
— Haber 7 (@Haber7) January 26, 2023
Ndërhyrja e dëshmitarëve okularë që thyen xhamat e autobusit për të nxjerrë të bllokuarit prej tyre rezultoi shpëtimtar për pasagjerët.
Në vendngjarje mbërritën edhe zhytësit për të hetuar nëse kishte persona të bllokuar pasi autobusi më në fund u fundos.
Në autobus ndodheshin gjithsej 10 persona, tre prej të cilëve u plagosën lehtë dhe u dërguan në spital. /tesheshi.com/
