Situata e koronës nuk është më dramatike, thotë Ugur Sahin, bashkëthemelues i BioNTech, i cili prodhon vaksinën BioNTech / Pfizer.
Ai tha për Bild-in gjerman se dorëzimi i vaksinës së përshtatur me llojin e ri Omicron po shtyhet për në prill ose maj, planifikuar më parë në mars.
Arsyeja e shtyrjes së dorëzimit është se Agjencia Evropiane e Barnave (EMA) ka pritur më shumë se sa ishte planifikuar për të dhënat e nevojshme për miratimin e vaksinës.
Sahin thotë se duhet analizuar nëse vaksina kundër shtameve të Omicron-it jep akoma rezultate dhe nëse është e nevojshme, BioNTech mund të prodhojë vaksina për shtame të reja.
“Nuk është një dramë, ne kemi fituar një rutinë”
Ai nuk pret që koronës t’i vijë fundi në vitet e ardhshme, duke besuar se ajo do të shfaqet në valë.
“Nuk kemi pritur kurrë që të shpëtojmë nga koronavirusi. Por ne mendojmë se nuk është më një dramë e madhe. Është e rëndësishme që ne jemi fituar një rutinë të caktuar”, tha Shahin.
BioNTech gjithashtu planifikon të prodhojë vaksina në Afrikë.
Që në fillim të këtij viti, kontejnerët e prodhimit të personalizuar do të transferohen, duke filluar nga viti 2023.
“Kur filloi pandemia, ne zbuluam se bota nuk ishte e përgatitur për diçka të tillë,” tha ai.
Ai theksoi se pengesa e madhe është se nuk ka kapacitet të mjaftueshëm për prodhimin e vaksinës, prandaj janë prekur veçanërisht vendet që nuk kanë mundur të përballojnë prodhimin.
Prodhimi i vaksinave në kontejnerë
Pas zhvillimit të vaksinës, themeluesit e kompanisë pyetën veten se si të krijonin prodhimin në vendet më të varfra.
Ideja ishte që të prodhohej vaksina në kontejnerë.
E veçanta e solucionit të prodhimit të vaksinës në kontejnerë është se ato mund të instalohen shpejt dhe lehtë dhe të hiqen dhe transportohen me anije ose aeroplan.
Këto kontejnerë nuk do të përdoren vetëm për prodhimin e vaksinës kundër koronës, thekson Sahin, duke theksuar se avantazhi i madh i vaksinës mRNA është se mund të përdoret për vaksinat kundër viruseve të tjera.
Qëllimi, thekson ai, është që të fillohet me një vaksinë kundër koronës, por tashmë po punohet për vaksina të tjera kundër tuberkulozit HIV dhe malaries, të cilat nëse zhvillohen me sukses, mund të prodhohen në këto kontejnerë. /tesheshi.com/
