Në një ceremoni të zhvilluar në Salzburg të Austrisë, janë shpallur çmimet e “Air Transport News”-it në fushën e industrisë së transportit ajror. Këto janë të vetmet çmime ndërkombëtare që jepen në të tëra kategoritë e kësaj industrie.
Çmimin e kompanisë ajrore të vitit e ka fituar Turkish Airlines (THY). Turkish Cargo është shpërblyer me çmimin e kompanisë ajrore të vitit për transportin e mallrave.
Aeroporti i Stambollit, Atatürk International Airport, u shpall gjithashtu si aeroporti i vitit.
“Rrjeti ynë i fluturimeve po rritet ditë pas dite, dhe kënaqja e pasagjerëve tanë vijon të jetë përparësia jonë,” thuhet në një deklaratë të drejtuesit të THY-së, Ilker Ajxhë.
Në lidhje me kapacitetet transportuese të kompanisğ turke, i njëjti autoritet ka theksuar: “Si rezultat i një revolucioni të madh, ne e rritëm kapacitetin tonë të pasagjerëve në 62 milionë krahasuar me 10 milionë pasagjerë në 2012-ën. Me fluturime në 284 destinacione në 113 vende, ne ende ruajmë titullin e kompanisë ajrore që fluturon në numrin më të madh të vendeve në botë.”
“Ne kemi aktualisht 304 avionë,” ka treguar Ajxhë, “dhe vazhdojmë të rritemi duke shtuar destinacione të reja në rrjetin tonë të fluturimit global, e duke porositur avionë të rinj. Objektivi ynë është që në vitin 2023 ta rrisim numrin e pasagjerëve në 120 milionë, e ta çojmë numrin e avionëve në flotën tonë në 450.” /tesheshi.com/
