Sipas një harte të re të krijuar për adhuruesit e udhëtimeve, vendet më të rrezikshme për turistët në vitin 2020 janë Libia dhe Somalia.
“Harta e rrezikut” vjetor ka zbuluar vendet ku shumica e vizitorëve do të kenë çështje që lidhen shumë me sigurinë e tyre, raporton Indy100.
Libia dhe Somalia janë në krye të listës, e ndjekur nga Afganistani dhe Venezuela, vendet më të rrezikuara për turistët.
Duke marrë parasysh të gjithë faktorët, situata më e mirë është në Finlandë, Norvegji dhe Irlandë.
Kur bëhet fjalë për shëndetin, ka shumë të ngjarë që ta rrezikoni atë duke udhëtuar në vende afrikane si Nigeri, Guinea, Sierra Leone, Liberia, Sudani i Jugut, Eritrea ose Republika e Afrikës Qendrore.
Ndër vendet me rrezik shumë të ulët të infeksionit dhe sëmundjeve janë shumica e vendeve në Evropë, Kanada, SHBA, Zelanda e Re, Australia, Koreja e Jugut dhe Japonia.
Për sa i përket dhunës, vendet më problematike janë Afganistani, Siria, Jemeni, Iraku, Somalia, Libia dhe pjesë të Nigerisë.
Nga ana tjetër, vendet më të sigurta janë Norvegjia, Grenlanda, Finlanda, Irlanda, Zvicra dhe Sllovenia. /tesheshi.com/
