Politikanë dhe grupe të shoqërisë civile në Tunizi po kundërshtojnë një vizitë të pritshme të Princit të Kurorës saudite, Mohammed bin Salman.
Ky i fundit ka ndërmarrë një tur vizitash në disa vende arabe, e para që pas rastit “Khashoggi”, pra vrasjes së gazetarit, ku reflektorët e dyshimit janë drejtuar kah princi.
Saida Qarash, një zëdhënëse e qeverisë tuniziane, konfirmoi vizitën e princit Mohammed, më 27 nëntor.
Princi saudit mbërriti në Abu Dhabi të enjten dhe do të vizitojë vendet e tjera në rajon, duke përfshirë Bahreinin dhe Egjiptin.
Princi gjithashtu o të marrë pjesë në samitin e G20 në Argjentinë gjatë këtij muaji, ku do të takohet me udhëheqës botërorë, përfshirë presidentin turk Rexhep Tajip Erdogan.
Gjykata mbretërore saudite tha se është një direktivë e Mbretit Salman për këtë turne, që ka si qëllimi të forcojë marrëdhëniet e Riadit me vendet e rajonit dhe botës.
Zëdhënësja Qarash tha se Tunizia e dënon vrasjen e Khashoggi dhe theksoi se vendi i saj po kërkonte të vërtetën.
Ndërkohë, autoritetet saudite kanë arrestuar 18 persona si përgjegjës për vrasjen e bujshme. Ata po hetohen për t’u gjykuar më pas deri në dhënien e një vendimi. /tesheshi.com/
