Të udhëtosh përmes Budapestit është një nga mënyrat më madhështore për të nisur aventurën e një turi nëpër Europë. Kryeqyteti hungarez ofron gjithçka që mund të shpaloset më pas, në shumë qytete të tjera, por jo me intensitetin e kësaj qendre që jo më kot është cilësuar si guri më i çmuar i Danubit. Panorama ngazëllyese, histori, dhe mundësi të pafundme në një qytet të vetëm, fotografitë e të cilit mund të renditen si më “fotozheniket” në konkurse të mëdha ndërkombëtare.
Budapesti në perëndim të diellit
Fotografët profesionistë thonë se Budapesti është një nga qytetet që ofron më shumë në Europë. Ndërsa dielli perëndon në Danub, qyteti përjeton orën e vet të artë që nga bregu Pest përgjatë anëve lumore. Ura-zinxhir Széchenyi u hap për kalim në 20 nëntor 1849 dhe është një nga vendndodhjet më të fotografuara në qytet.
Panorama nga “bastioni” i peshkatarëve
“Bastioni i peshkatarëve” ofron pamje fantastike të Budapestit. Ndodhur në bregun Buda, bastioni i peshkatarëve është ndërtuar me qëllimin për të mbrojtur kështjellën aty pranë nga shoqëria esnafe. Mundësia më e mirë për të fotografuar në këtë vend është sidomos gjatë orëve të natës ose në orët e para të mëngjesit për të shmangur edhe turmat e njerëzve.
Ura e Lirisë
Ura e Lirisë është ndërtuar midis viteve 1894 dhe 1896 me planimetri të János Feketeházy. Ndodhet në afërsi të tregut të famshëm të Budapestit, pikërisht përballë kodrës Gellert. Në vitin 2009, ura e Lirisë u rindërtua me synimin për të ruajtur nga dëmtimi ornamentet e saj origjinale, ngjyrën dhe për ta përforcuar kundrejt zhurmave dhe dridhjeve që përcjellin tramvajët.
7 kullat
“Bastioni i peshkatarëve” ka shtatë kulla, secila prej të tyre ka dashur të përfaqësohë shtatë tributë magjare, që u vendosën në basenin e Karpateve në vitin 896. “Bastioni i peshkatarëve” duket absolutisht mahnitës gjatë muzgut, për shkak të kontrastit të fortë të ngjyrave përballë qiellit.
Parlamenti hungarez
Vendndodhja më e fotografuar në Budapest, parlamenti hungarez, qëndron hijshëm në anën Pest të qytetit, duke u pasqyruar mbi Danub. Parlamenti hungarez tërheq turistë pa fund nga e gjithë bota, duke qenë një nga vendet më të njohura dalluese në Budapest. Për të pasur mundësinë e një shkrepjeje ideale, mjafton të përfshini në objektiv një panoramë për së gjati të ndërtesës gjatë kohës së natës.
Perëndimi i diellit
Budapesti njihet për pamjen e mrekullueshme gjatë perëndimit të diellit dhe nuk ka gjë më relaksuese sesa të admirosh pamjen e bukur ndërsa vështron mbi Danub.
Ujërat termale në Gellert
Kompleksi i ujërave termalë Gellert ndodhet pranë kodrës Gellert. I njohur për aftësitë e tij shëruese, kompleksi vizitohet nga shumë njerëz nga e gjithë bota, në kërkim të një jete më të shëndetshme. Kompleksi Geller ka edhe gjithë lehtësitë moderne, si hotel luksoz dhe pishina të rrethuara me gjelbërim.
Specat e kuq
Specat e kuq janë ato që të vijnë në mendje kur mendon për Hungarinë. Paprika shoqërohet me kuzhinën hungareze në mënyrë të pashmangshme për shkak se ka një shije unike, duke qenë më i ëmbël sesa çdo spec tjetër që mund të gjesh nëpër botë. Klima është e shkëlqyer për ta rritur dhe tharrë këtë lloj speci dhe ai gjendet në gjendje të ndryshme të cilat shënojnë edhe cilësinë e produktit.
Langos
Budapesti nuk është vetëm një qytet i bukur, por edhe që tërheq me mijëra njerëz me anë të pjatave të shijshme, jo të zakonshme e shpesh unike. Një prej tyre, Langos, përbëhet nga bukë e skuqur, e shërbyer me disa lloj përzierjesh, ku era e hudhrës nuk mund të mungojë.
Syri Sziget
Për panoramimin më të mirë të qytetit, Budapesti ofron Syrin Sziget, karuselin që lartësohet deri në 65 metra. Quhet kështu për shkak se promovon të famshmin festivalin Sziget dhe është rrota me e madhe e karuselit në Europë, me një kapacitet prej 332 personash.
Fortesa e natës
Për një Budapest më të çuditshëm, mund të eksplorohet ana e bregut Buda gjatë muzgut, në një të shtunë mbrëma, kur banorët dhe turistët janë duke shijuar jetën e festave në anën Pest.
Tramvajet gjatë natës
Budapesti ka një infrastrukturë të shtrirë, por asgjë nuk krahasohet me tramvajët e vegjël ngjyrë të verdhë. Linja e parë e tramvajit që tërhiqet nga kuajt u inagurua më 30 korrik 1866, dhe tani rrjeti i tramvajeve të Budapestit është një më të mëdhatë në botë, duke operuar në 156.85 kilometra.
Oborret e qytetit
Përtej fasadave të bukura të BudapestIt, ka një botë sekrete që pret të zbulohet. Budapesti ka shumë oborre të brendshëm ku njerëzit dikur mblidheshin e ndonjëherë edhe “komplotonin kundër regjimit”. Në ditët e sotme, oborret e brendshme të banesave dhe blloqeve tregojnë historinë e evolucionit të urbanizimit në Hungari.
