Kryeministri Rama publikoi pamje të reja të Tunelit të Skërficës, vepra simbol e aksit të ri Kardhiq-Delvinë, e cila e afon dhe më tepër Sarandën me Tiranën, e kësisoj me pjesën tjetër të Shqipërisë apo trojeve shqiptare, duke bërë që qyeti po ashtu simbol i turizmit detar të jetë lehtësisht i mbërritshëm pas vuajtjet e Qafës së Muzinës, një rrugë mali ndërtuar dekada më parë.
“…dhe me punimet drejt përfundimit të tunelit të Skërficës, me të cilin hapet përfundimisht edhe rruga e re dhe e shumëpritur Kardhiq-Delvinë, që do të zbulojë një tjetër pjesë të mrekullueshme të Shqipërisë, duke shkurtuar njëkohësisht kohën e udhëtimit drejt Sarandës me 45 minuta, ju uroj një javë të mbarë”, shkruan i pari i qeverisjes.
Rama pason kështu ministren Balluku, e cila më herë “vulosi” dhe një datë për nisjen e qarkullimit në këtë aks të ri, edhe me dimension turistik, 2 korrikun.
“Më datën 2 korrik hapet përfundimisht aksiKardhiq-Delvinë, së bashku me tunelin e Skërficës, një punë që do të përfundonte sipas kontratës në vjeshtën e vitit 2022, por që do të dorëzohet disa muaj përpara afatit për ti dhënë kështu një frymëmarrje jugut të vendit.
Në tunelin e Skërficës punimet janë drejt përfundimit, duke përmbyllur plotësisht këtë vepër të shumëpritur e cila shkurton kohën e udhëtimit, si dhe rrit sigurinë rrugore, drejt bregdetit të Sarandës, duke nxitur kështu zhvillimin e mëtejshëm turistik të gjithë zonës.
Në datën 2 korrik gjithçka do të jetë gati!”, shkroi minstrja, me emrin e së cilës po lidhen zhvillimi dhe përfundimi i disa veprave të rëbdësishme infrastrukturore në Shqipëri. /tesheshi.com/
