Dhjetë shqiptarë kanë rrahur një të ri italian në qytetin e Milanos, pas një sherri. Policia nuk ka mundur të ndalojë asnjë nga dhunuesit, ndërsa mediat italiane raportojnë se i riu është goditur me shishe qelqi dhe tulla.
Agresorët janë larguar përpara se një patrullë policie të ofrohet në zonë, ku kanë gjetur vetëm të riun italian të gjakosur.
Përpara ngjarjes, italiani ka pasur një debat verbal me një nga shqiptarët, më pas ato janë shtyrë njëri me tjetrin. Mediat raportojnë se shqiptari më pas është larguar për t´u rikthyer mes disa bashkëatdhetarë, që kanë sulmuar me mjete të forta italianin.
Sherri ka ndodhur në prani të shumë njerëzve, por asnjë prej tyre nuk ka ndërhyrë për t´i ndarë. /tesheshi.com/
