Një djalë i vogël në Rusi, i cili u sulmua nga një tufë qensh të egër në një plazh, doli të ishte me fat në fatkeqësinë e tij.
Sipas New York Post, incidenti thuhet se ka ndodhur më 27 gusht, kur qentë e egër filluan ta ndiqnin fëmijën ndërsa ai po luante në një vendbanim në Makhachkala.
Incidenti u kap në video dhe u postua në platformën Reddit.
Siç shihet edhe në pamje, fëmija vrapon në plazh, ndërsa tufa e qenve e ndjek. Për të shpëtuar, djali i vogël zhytet në det, duke lënë qentë të lehin në breg.
Megjithatë, pavarësisht se ka shpëtuar me jetën e tij, sipas Reuters, djali i vogël duket se ka marrë disa pickime përpara se të hidhej përfundimisht në ujë.
Deri më tani nuk dihet gjendja e tij shëndetësore. /tesheshi.com/
