Numri i viktimave të cunamit në kanalin Sunda në Indonezi është rritur në 222 dhe ekipet e shpëtimit vazhdojnë të kërkojnë për trupa në vendbanimet e shkatërruara bregdetare të Sumatrës dhe Java-s.
Tsunami ka shkatërruar kryesisht vendbanime në vendet turistike në brigjet e Kanalit Sunda që ndan ishujt e Sumatrës dhe Java-s.
Sutopo Purwo Nugroho, një zëdhënëse e Agjencisë për Menaxhimin e Emergjencave (BNPB), tha se të paktën 843 njerëz u plagosën gjatë fatkeqësisë.
Ai tha se të paktën 28 persona mungonin.
“556 njësi banimi, nëntë hotele dhe 350 anije u shkatërruan tërësisht”, tha Nugroho.
Sipas informacioneve të deritanishme, nuk ka të huaj midis viktimave.
Shërbimet e shpëtimit ende nuk kanë ardhur në të gjitha vendbanimet e prekura, kështu që ekziston frika se bilanci i viktimave mund të rritet më tej.
Zyrtarët e BNPB, si shkak të tsunamit, deklarojnë veprimtarinë e vullkanit Anak Krakatau, i cili është intensifikuar që nga shtatori. /tesheshi.com/
