Në Athinë, grupe njerëzish që kanë vendosur të thonë “JO” në referendum, sa i takon kërkesave të kreditorëve, janë mbledhur në sheshin Sintagma, përballë parlamentit.
25 mijë persona i janë përgjigjur kërkesës së Alexis Tsipras për t’i thënë “jo” të dielën ‘shantazhit dhe ultimatumit’.
Kryeministri grek ka bërë apelin e fundit. “Të marrim në dorë fatin dhe jetën tonë. Është populli që vendos. Greqia është një vend krenar. Do të kemi një të ardhme. Të dielën do tu çojmë të gjithëve një mesazh demokracie”,- ka thënë kryeministri.
Një Athinë e ndarë po pregatitet për ditën historike të referendumit të dielën, e cila do të jetë një bankë prove për qeverinë e Tsipras.
Sheshi Sintagma bërtet “Oxi” që do të thotë “JO’ nga greqishtja. “Kreditorët tanë, Merkel, Dijsselbloem e Juncker vënë gishtin tek ne. Po sillen si profesorët me nxënësit, pa e pranuar se kanë bërë gabime të madha me Greqinë,- thotë një banor i Athinës.
Të shumta janë frikat që ka populli grek, i cili do të votojë në referendum ditën e nesërme. “Të votosh “JO” nuk do të thotë të krijosh fraktura me Brukselin, por të vijosh negociatat për kushte më të mira për ne”,- ka premtuar Tsipras. /tesheshi.com/
