Gjatë vizitës së tij në Shkup, e para që pas Marrëveshjes së Prespëse cila mundësoi ndërrimin e emrit të Maqedonisë në Maqedoni Veriore, kryeministri grek Alexis Tcipras kërkoi që dhe përmendoret në zemër të Shkupit, produkt i Gruevskit, të marrin emra grekë.
“Përmendoret të cilat kanë të bëjnë me Maqedoninë antike, rregullimi i tyre, mbishkrimi dhe emërimi specifik do të sqarojnë se ata janë pjesë e të kaluarës antike greke dhe kulturës greke që në fakt është kulturë botërore. Këto përmendore të civilizimit grek i takojnë botës, janë përmendore botërore dhe janë pjesë e trashëgimisë botërore. Ne do të jemi të kënaqur kur t’i vendosni emrat dhe kjo do të sqarojë se këto përmendore janë pjesë e civilizimit antik grek.- u shpreh Aleksis Cipras, kryeministër i Greqisë”, tha Tcipras.
Ndërsa Zaev reagoi duke thënë se dhe partitë opozitare në dy vendet do ndryshojnë qasje ndaj erës së re mes dy vendeve.
“Unë besoj se edhe Micotakis edhe Mickoski, të cilët janë kryetar të partive më të mëdha opozitare, vetë me kalimin e kohës do të mbështesin bashkëpunimet e mira, mundësitë e reja, perspektivat serioze sepse kjo është pragmatike, kjo është politika dhe tek e fundit kjo është mençuri, të mbështesni atë që populli e dëshiron dhe nga e cila populli ka përfitime”, tha Zaev. /tesheshi.com/
