Një ligj i përgatitur nga qeveria e Kryeministrit Alexsis Tsipras, bën të mundur anulumin e pensioneve për të ashtuquajturit “homogjenë” ose thënë ndryshe të gjithë shtetasve shqiptarë që kanë karta nënshtetësie greke apo quhen minoritarë. Bëhet fjalë për gjithsej 30.000 homogjenë nga Shqipëria dhe ish-republikat e Bashkimit Sovjetik.
Para zgjedhjeve, qeveria e mëparshme Tsipras kishte miratuar në gusht, ligjin për pensionet e minoritarëve të cilët do të fillonin të përfitonin në bazë të disa kushteve prej 1 tetorit të këtij viti një pension minimal prej 260 eurosh, i cili parashikohej të rritej në të ardhmen.
Pensionet për minoritarët u hoqën për herë të parë në mars të vitit 2012 nga qeveria e kryeministrit Samaras dhe megjithë premtimet e vazhdueshme të konservatorëve nuk u risollën më.
Pjesëtarë të komunitetit të minoritarëve që jetojnë në Greqi shprehen të zhgënjyer dhe deklarojnë se nuk kanë më asnjë shpresë, duke fajësuar të gjitha qeveritë e viteve të fundit, sidomos konservatorët, që anuluan tërësisht pensionin në fjalë tre vite më parë.
/tesheshi.com/
