Greqia i ka konsiderur si pozitive deklaratat e Presidentit turk, Rexhep Tajip Erdogan se kërkon paqe me Greqinë, edhe pse provokimet që vijnë nga Athina kanë qenë të shpeshta.
Qeveria greke nuk ka pranuar shkëmbimin e dy ushtarëve grekë që u kapën në kufirin turk me pjesëmarrësit e grushtit të shtetit të vitit 2016 që gjetën strehim në Greqi.
Dy ushtarë grekë deklaruan në Prokurori se kishin kaluar kufirin “pa dashje”.
Por një gjykatë turke bëri të ditur në vendimin e saj se argumenti se dy ushtarë profesionistë kanë kaluar kufirin pa dashje është thjesht një “naivitet”.
Zyra e kryeministrit grek Alexis Tsipras shpërndau një deklaratë zyrtare ku thuhet se “Nga deklaratat e presidentit turk, ne përshëndesim elementët pozitivë: angazhimin e tij drejt paqes në Egje dhe mbështetjen për dialogun mes dy vendeve në sektorë të rëndësishëm, ndër të cilët sigurina në radhë të parë”.
Dy ditë më parë, Presidenti Rexhep Tajip Erdogan bëri thirrje për paqe me Greqinë, duke thënë se ai nuk dëshiron më shumë tensione, por edhe dhënien fund të provokimeve në Egje dhe Mesdhe nga ana e Athinës.
“Të dy palët kemi nevojë për paqe tani. Përveç kësaj, ju them grekërve se paqja me ne ju nevojitet më shumë se me askënd tjetër”, tha Erdogan, gjatë një interviste të drejtpërdrejtë me kanalin turk NTV.
Por Athina nuk ka pranuar shkëmbimin e ushtarëve, duke e konsideruar argumentin e Ankarasë për një “barazi” në shkëmbim si “të papranueshëm”. /tesheshi.com/
