Kryeministri grek Alexis Tsipras ka lëshuar një video-mesazh drejtuar qytetarëve, ku thekson se ka ardhur koha për të paraqitur faktet në lidhje me Marrëveshjen e Prespës me Maqedoninë dhe për të “ditur të vërtetën”.
“Marrëveshja e Prespës është mbrojtja jonë…Ajo kapërcenë frikëra dhe hap rrugën drejt paqes dhe rritjes ekonomike”, tha Tsipras në një mesazh video të postuar në Facebook, me titull “E vërteta rreth Marrëveshjes së Prespës”.
Kjo marrëveshje, ka theksuar Tsipras, “vendos në themelet rajonit të Ballkanit miqësinë, bashkëpunimin dhe vëllazërimin e popujve”.
“Fqinjët tanë, duke dalluar identitetin e tyre, pranojnë se gjuha e tyre sllave dhe kultura e tyre nuk është në asnjë mënyrë e lidhur me trashëgiminë e lashtë greke. Nëpërmjet Marrëveshje së Prespës ne njohim shtetësinë e jo grupet etnike. Nuk do të ketë aluzion irredentiste në tekstet e tyre. Ata do ndryshojnë emrat e monumenteve, infrastrukturës dhe hapësirave publike”, tha Tsipras. /tesheshi.com/
