Përpara zgjedhjeve lokale që do të jenë një test i rëndësishëm për kryeministrin Alexis Tsipras, ky i fundit ka marrë një vendim që pritet të japë shtetësinë dhe të drejtën e votës, edhe për emigrantw që kanë 7 vjet leje qëndrimi në këtë vend.
Ky vendim pritet që gjithashtu të joshë shumë shqiptarë që kanë leje qëndrimi në Greqi, qw të marrin pasaportë greke dhe të votojnë atje.
Vendimi që pritet të hapë përplasje dhe polemika të forta, i bën më të thjeshta procedurat dhe u jep emigrantëve mundësi të marrin pasaportat greke. Emigrantët përgjithësisht janë simpatizues të politikës së Syriza-s.
Deputetët e kwsaj tw fundit kanë pasur përplasje të forta me partinë ANEL të Panos Kammenos që është Ministër i Mbrojtjes.
Ministria e Brendshme do të fillojë thjeshtëzimin e procedurës për marrjen e nënshtetësisë greke. Kështu bën të ditur radio Athina 9,84, që shton se të drejtën për ta përfituar atw do ta kenë edhe emigrantët që jetojnë u punojnë ligjërisht në Greqi për një periudhë prej të paktën 7 vjetësh.
Radio Athina vë në dukje se ligji që kishte hartuar presidenti aktual i republikës greke, Prokopis Pavlopulos dhe e evoluoi më tej Janis Ragusis në 2010, për këtë kategori parashikohej një qëndrim e punësim dhjetëvjeçar. Më tej, ligji parashikon që fëmijtë e emigrantëve, nëse lindin në Greqi marrin automatikisht nënshtetësinë greke. Në të kundërt, e marrin nënshtetësinë pasi të kenë kryer gjashtë vjet të sistemit arsimor grek, vë në dukje Radio Athina.
Sipas rregullave të tanishme, kandidatët për marrjen e nënshtetësisë greke duhet të kenë njohuri mbi historinë dhe gjeografinë e Greqisë, ndërsa lënda që jepet provim ofrohet falas përmes faqes së internetit të ministrisë së brendshme (www.ypes.gr).
Athina 9,84 shton më tej se objektivi i ministrisë së brendshme është që brenda këtij viti të ketë finalizuar dhe votuar gjithë ndryshimet në legjislacionin për marrjen e nënshtetësisë greke. Në të njëjtën kohë, do të shqyrtohen edhe ndryshime në procedurën e lejeve të qëndrimit. /tesheshi.com/
