Ambasada Amerikane në Tiranë lëshoi një deklaratë me anë të së cilës vlerësoi aktin e kreut demokrat Basha, për të qenë prezent në tryezën e Reformës Zgjedhore iniciuar nga OSBE, ndonëse në nivel ekspertësh.
“Shtetet e Bashkuara mirëpresin vendimin e partive opozitare për të dërguar përfaqësues në konferencën për reformën zgjedhore bashkërenduar nga parlamenti dhe Prezenca e OSBE-së në Shqipëri. Ne përshëndesim Kryetarin e Partisë Demokratike Lulzim Basha që thirri një takim të opozitës dje. Përpjekjet e tij demonstrojnë udhëheqësi të vërtetë mbi një çështje thelbësore për forcimin e mëtejshëm të institucioneve demokratike të Shqipërisë. Shtetet e Bashkuara mbështesin miratimin e reformave të nxitura nga ekspertët zgjedhorë të OSBE/ODIHR në mënyrë që Shqipëria të mund të zhvillojë zgjedhje që janë të lira nga shtrëngimi, trysnia politike, dhe blerja e votës. Populli shqiptar nuk meriton asgjë më pak se sa kjo”, thuhet në reagimin e SHBA-së.
Por nga ana tjetër, njeriu që PD çoi në tryezë, Iv Kaso, e braktisi atë pas një qëndrimi të shkurtër, ende pa u sqaruar se pse. Pas e ndoqi dhe ai i republikanëve.
Ndërkohë, tryeza nisi me kundërshtërimin që deputeti Gjuzi i bëri faktit që në rendin e ditës Kaso duhej të fliste para znj.Hajdari. /tesheshi.com/
