Nga Blendi Gashi
Më datën 3 gusht në Prishtinë do të mbahet një tryezë e rrumbullakët për çështjen e Demarkacionit me Malin e Zi, ku do të zhvillohet debat profesional-shkencor mes komisionit shtetëror për Demarkacion dhe grupit të njohësve profesionist për diskutim dhe ballafaqim faktesh për çështjen në fjalë.
Ky debat vije me kërkesë të deputetit të LDK-së Shpejtim Bulliqi i mbështetur edhe nga deputetë të tjerë pas kundërshtimeve të mëdha pushtet – opozitë për shenjëzimin e kufirit me Malin e Zi.
Tryeza në fjalë është cilësuar e vonuar nga kryekuvencari Kadri Veseli, por sipas tij është një mundësi e mirë t’i hapet rrugë një procesi deri tek vendimmarrja, që të jetë në interes të shtetit dhe qytetarëve.
Por shtrohet pyetja nëse tryeza e 3 gushtit do të sjellë ndonjë rezultat që përfundimisht do të ndikonte në rikthimin në zero të marrëveshjes së Demarkacionit, kërkesë kjo e opozitarëve, banorëve të zonës dhe deputetëve të caktuar të partive në pushtet?
Analistët politik shprehen tejet skeptikë rreth debatit që do të zhvillohet muajin e ardhshëm mes personave pro dhe kundër marëveshjes së Demarkacionit.
Analisti politik, Islam Krasniqi, nuk pret ndonjë rezultat konkret nga tryeza e 3 gushtit, pasi sipas tij debate për Demarkacionin është dashur të mbahet vite më parë.
“Tryeza e 3 gushtit për Demarkacionin, është datë relativisht shumë e vonshme dhe se diskutimi për këtë çështje mjaft të rëndësishme nuk ka qenë e nevojshme të shtyhet kaq gjatë, mirpo kjo është blerje kohe. Ky takim do të jetë i dështuar, ku qeveria së bashku me ata që nënshkruan këtë marrëveshje do të mundohen t’i mbulojën pazaret e tyre politike me argumentet e tyre falso, gjë që është e pamundshme t’iu hedhet hi syve ekspertëve dhe njohësve të lëmisë së caktuar.
Ka mundësi që ky debat të mos mbahet hiq, sepse shumica e deputetëve janë në pushime, pra, për shkak të mungesës së kuorumit mund të dështojë, dhe kështu të hapet mundësia reale që koalicioni qeverisës PDK-LDK të prishet sepse rrugët e tyre kanë marrë kahje të ndryshme”, ka thënë Krasiqi, për tesheshi.com.
Kurse për njohësin e rrethanave politike në vend, Arsim Haziri, tryeza e inicuar nga deputeti Bulliqi nën parimin intelektual e profesional do të jetë një hap i rëndësishëm për të përmirësuar paraqrtësitë ose lëshimet.
Haziri, thotë se tryeza e 3 gushtit do t’iu krijon mundësinë faktike deputetëve të opozites t’i prezentojne faktet e tyre për çështjen në fjalë.
“Deputeti Bulliqi konsideroj se ka përmbushur misionin e një deputeti që për çështje madhore në vazhdimësi ka hedhur kritika dhe mundësi për trajtim. Tryeza e 3 gushtit shërben ekskluzivisht për mundësinë e zbardhjes së shkeljeve nëse eventualisht janë bërë dhe për rrahjen e argumenteve si mes deputeteve ashtu edhe mes njohësve të kësaj fushe. Trajtimi i kësaj çështjeje i shërben ikjes së konfuzitetit të dhënë për muaj me radhë dhe kështu mund të vije deri te konkludimi nëse marrëveshja për shenjëzimin e kufirit me Malin e Zi është apo jo në dëm të shtetit tone, njëherit konifrmohet edhe nëse kundërshtimi opozitar është apo jo i arsyeshëm”, ka deklaruar Haziri, për tesheshi.com.
Ndryshe, debati do të mbahet në sallën alternative, duke filluar në ora 10:00. Kurse, seanca e rregullt është caktuar për datë 4 gushtë nga ora 10:00. /tesheshi.com/
