Shkencëtarët kanë zbuluar se truri i njeriut ka një kapacitet, që është dhjetë herë më i madh se sa që është menduar fillimisht dhe mund të ruajë 4.7 miliardë libra.
Këto të dhëna janë pëcjellë nga shkencëtarët amerikanë të cilët kanë matur kapacitetin e ruajtjes së sinapsave, lidhjeve të trurit që janë përgjegjëse për ruajtjen e kujtimeve.
Ata zbuluan se, mesatarisht, një sinaps mund të mbajë afërsisht 4.7 bite të informacionit. Kjo do të thotë se truri i njeriut ka një kapacitet prej një Petabite, ose 1,000,000,000,000,000 bite.
Një Petabit është e njëjtë si 20 milionë kabinete katër-sirtarësh të dosjeve të mbushura me tekst, 13.3 vjet regjistrime të TV HD, 4.7 miliardë libra apo 670 milion faqe të internetit.
Megjithatë, kjo është vetëm shuma totale e informacioneve që një pjesë përkatëse e trurit teorikisht mund të ruajë në çdo moment. Arkivi aktual i kujtimeve të saj në fakt është shumë më i vogël.
Profesor Terry Sejnoëski, i Institutit Salk për Studime Biologjike, në Kaliforni, tha se zbulimi është një “bombë e vërtetë në fushën e neuroshkencës”.
“Ne kemi zbuluar çelësin për zhbllokimin e parimit të projektimit për mënyrën se si neuronet e hipokampusit funksionojnë me energji të ulët, por me fuqi të lartë llogaritjeje,” tha ai. /tesheshi.com/
