Truproja e ish-kreut të Al Kaeda-s, Bin Laden, Malik Abdel Wahab al-Rahab, është transferuar nga burgu i Guantanamos në Mal të Zi.
Siç bëjnë të ditur mediat e Podgoricës, autoritetet e SHBA kanë aprovuar transferimin pasi përveç të tjerash i burgosuri “ka ndryshuar situatën mendore pas 14 vjetësh në burg”.
Siç bën të ditur Pentagoni, personi me origjinë nga Jemeni ka qenë anëtar i Al Kaeda-s dhe i përgatitur për të marrë pjesë në akte terroriste pengmarrjeje.
Al-Rahab është i burgosuri dytë i transferuar nga Guantanamo në Mal të Zi.
Ai i ka bërë të ditur autoriteteve amerikane se dëshiron “të harrojë të kaluarën dhe të nisë ndërtimin e një jete të re në Mal të Zi me gruan dhe vajzën e tij” .
I burgosuri nuk shkoi asnjëherë në gjyq. Lirimi i tij u aprovua në vitin 2014, kur u arrit në përfundimin se nuk përbën rrezik për SHBA-në.
Dy të burgosur të tjerë nga Guantanamo u transferuan në Serbi.
/tesheshi.com/
