Një digë gjigante pranë Houstonit ka filluar të derdhë ujë, ndërsa uragani “Harvey” ka bërë që rezervuari i saj të tejmbushet.
Inxhinierët janë përpjekur të pengojnë përmbytjen zonës përreth, duke hapur portat për derdhjen e një sasie uji nga diga “Addicks”. Por, zyrtarët thonë se tani, niveli i ujit e ka kaluar lartësinë e digës së rezervuarit.
Rrjedhja e ujit, sidoqoftë, nuk ka rrezik të dëmtojë digën “Addicks”, por do të përkeqësojë situatën në zonat pranë “Fuffalo Bayou”, lumi kryesor në qytetin e katërt më të madh të Shteteve të Bashkuara të Amerikës.
Zyrtarët, ndërkohë, janë të shqetësuar për një tjetër digë, atë “Barker”, e cila po ashtu kontrollon sasinë e ujit në lum.
“Harvey” shkaktoi përmbytje të mëdha në Teksas dhe ka filluar tani të prekë edhe Louisianën.
Të paktën 9 persona raportohet të kenë humbur jetën në zonën e Houstonit. Gjashtë pjesëtarë të së njëjtës familje vdiqën, duke u përpjekur t’u shpëtonin përmbytjeve.
Presidenti Donald Trump dhe zonja e parë Melania Trump po vizitojnë Teksasin, për të parë nga afër shkatërrimin e shkaktuar nga uragani “Harvey”.
“Harvey” është uragani më i fuqishëm që ka goditur Teksasin në më shumë se 50 vite. Stuhia që po lëviz ngadalë, ndërsa gjendet aktualisht mbi Gjirin e Meksikës. /tesheshi.com/
