Presidenti amerikan Donald Trump ka vizituar punonjësit e urgjencës dhe të mbijetuarit e sulmit në El Paso, – një nga dy qytetet e tronditura nga sulmet me armë që morën 31 jetë.
Banorët hispanikë u vunë në shënjestër të një krimi të urrejtjes kur një njeri i armatosur në El Paso qëlloi për vdekje 22 njerëz. Vetë z. Trump është akuzuar për nxitje të urrejtjes ndaj njerëzve hispanikë.
Ai erdhi në Teksas nga Dejtoni, Ohio, ku kishte vizituar të mbijetuarit e një sulmi tjetër ku vdiqën nëntë persona.
Para se të linte Uashingtonin, Trump tha se ishte i shqetësuar për “veprimet e çdo grupi të urrejtjes … qoftë kjo supremaci e bardhë” ose ndonjë “lloj tjetër supremacie”.
Kongresmenja demokrate që përfaqëson El Pason, Veronica Escobar, nuk pranoi ta takonte atë, duke thënë se “fjalët dhe veprimet e tij raciste dhe të urrejtura” i kishin shkaktuar dhimbje komunitetit dhe vendit të saj. /tesheshi.com/
