Presidenti Donald Trump ka provokuar të qeshura në sallë kur në fillim të fjalimit të tij në Asamblenë e Përgjithshme të OKB-së, u mburr për atë që e konsideroi “sukses të Shteteve të Bashkuara nën udhëheqjen e tij”.
Në një fjalim drejtuar udhëheqësve nga e gjithë bota, Trump tha se ekonomia amerikane “po lulëzon si kurrë më parë” dhe se administrata e tij për më pak se dy vjet ka arritur më shumë se pothuajse çdo administratë tjetër.
Por kur këto fjalë shkaktuan të qeshura, Trump tha: “Nuk e prisja këtë reagim, por është në rregull.”
Trump vuri në dukje se Shtetet e Bashkuara ishin “një vend më i fortë, më i sigurt dhe më i pasur” sesa kur mori presidencën në janari 2017.
“Ne jemi me Shtetet e Bashkuara, së bashku me popullin amerikan dhe botën”, tha Trump.
Trump tha se nga Koreja e Veriut “raketat nuk fluturojnë më” dhe nuk kërcënojnë fqinjët e saj.
Ndërkohë, një vit më parë, po në OKB, Trump u tall me udhëheqësin e Koresë së Veriut, Kim Jong-un, duke e quajtur atë “njeri i raketave”, por këtë vit mesazhi i tij ishte i ndryshëm kur tha se “falënderoj Kim”.
Presidenti amerikan gjithashtu foli për Kinën, duke thënë se ai e respekton shumë presidentin kinez, por mosbalancimi i tregtisë me Pekinin “nuk mund të tolerohet”.
Trump gjithashtu u bëri thirrje vendeve të botës të bashkohen me Shtetet e Bashkuara në izolimin e Iranit mbi sjelljen e këtij vendi të cilan ai e konsideron agresive.
Siç theksoi ai, Irani nuk respekton fqinjët e saj, as kufijtë e tyre, si dhe është një regjimi që thërret “Vdekje Amerikës”.
Presidenti amerikan në fjalimin e tij ka refuzuar parimin e “qeverisjes globale, kontrollit dhe dominimit”, duke shtuar se respekton të drejtën e secilit vend për të ndjekur zakonet e tyre, besimet dhe traditat.
Shtetet e Bashkuara, tha ai, kurrë nuk do t’u tregojnë vendeve të tjera se si të jetojnë, punojnë ose të luten.
Por, vuri në dukje Trump, Shtetet e Bashkuara presin që vendet e tjera të “respektojnë sovranitetin e Amerikës”.
