Presidenti i SHBA Donald Trump postoi në Twitter foton e tij me maskë dhe indirekt deklaroi se “veshja e maskës është një veprim patriotik”.
“Ne të gjithë jemi të bashkuar në përpjekjet tona për të mposhtur virusin kinez dhe shumë njerëz thonë se të veshësh maska kur distanca sociale është e pamundur është një veprim patriotik. Askush nuk është një patriot më i madh se unë, presidenti juaj i preferuar”, ka shkruar ai në Tëitter, së bashku me foton e tij me maskë.
Trump e shkruajti këtë gati tre muaj pasi Qendrat SHBA-së për Kontrollin e Sëmundjeve rekomanduan të vishni maska.
Ai postoi një foto të bërë gjatë një vizite në një spital ushtarak në periferinë Uashington në fillim të këtij muaji, kur mbante një maskë në publik, për herë të parë pas muajsh që nuk pranoi ta bëjë këtë.
Aludohet se Trump ka ndryshuar mendje nga rezultatet e dobëta të sondazheve.
Deri më tani, në Shtetet e Bashkuara janë konfirmuar 3.96 milion raste me koronavirus dhe pothuajse 144,000 vdekje nga kjo sëmundje. /tesheshi.com/
