Presidenti amerikan përshëndeti lirimin e tre të burgosurve në Gaza, duke thënë se ata “duken sikur janë në gjendje të mirë!”
“Izraeli tani do të duhet të vendosë se çfarë të bëjë në lidhje me afatin e sotëm (12:00) të vendosur për lirimin e TË GJITHË PENGJEVE”, shkroi Donald Trump në rrjetin e tij social Truth.
Kjo i referohet ultimatumit që vetë Trump ka vendosur, që është që të gjithë të burgosurit të lirohen deri të shtunën në mesditë, përndryshe ai paralajmëroi se “i gjithë ferri do të shpërthejë”.
Ai shtoi: “Shtetet e Bashkuara të Amerikës do të mbështesin çfarëdo vendimi që ata marrin!”
Presidenti amerikan Donald Trump tha të premten se do të mbajë një qëndrim “më të ashpër” ndaj Rripit të Gazës, raporton Anadolu.
“Nuk e di se çfarë do të ndodhë në orën 12. Nëse do të ishte në dorën time, do të mbaja një qëndrim shumë të ashpër. Unë nuk mund t’ju them se çfarë do të bëjë Izraeli,” u tha Trump gazetarëve në Zyrën Ovale.
Në fillim të kësaj jave, Trump sugjeroi përfundimin e armëpushimit në Gaza midis Izraelit dhe grupit palestinez Hamas, nëse të gjithë pengjet nuk do të liroheshin deri të shtunën.
“Për sa më përket mua, nëse të gjithë pengjet nuk kthehen deri në orën 12 të mesditës të së shtunës – mendoj se është koha e duhur – do të thosha se armëpushimi duhet të anulohet. Le të shpërthejë i gjithë ferri. “ta duhet të kthehen deri në orën 12 të mesditës të së shtunës… Dhe pas kësaj, do të thosha se do të ketë kaos total”, tha Trump të hënën. /tesheshi.com/
