Katër ditë pas fitores së Angela Merkelit në zgjedhjet parlamentare të së dielës, presidenti amerikan, Donald Trump, zhvilloi një bisedë telefonike për ta përshëndetur për fitoren, por edhe për të diskutuar për çështjen iraniane dhe koreano-veriore, njoftoi Shtëpia e Bardhë.
”Trump nënvizoi lidhjet e forta që lidhin dy vendet, përpjekjet e shumta për promovimin e paqes dhe prosperitetit, impenjimin amerikan për qëndrueshmërinë e marrëdhënieve dypalëshe si edhe aleancën me qeverinë dhe popullin gjerman”, deklaroi Shtëpia e Bardhë.
Në vijim sqarohet se dy liderët diskutuan edhe për Iranin dhe Lindjen e Mesme duke përmendur programin raketor iranian dhe mungesën e respektit nga ana e këtij të fundit për rezolutat e OKB-së.
”Trump e Merkel konfirmuan edhe rëndësinë e denuklearizimit paqësor të Koresë së Veriut”, theksoi Shtëpia e Bardhë. /tesheshi.com/
