Administrata e Donald Trump po prezanton kufizime të reja të vizave që synojnë uljen e “turizmit të lindjes së fëmijëve”, pasi gratë shtatzëna udhëtojnë drejt për të lindur, duke bërë që fëmijët e tyre të kenë shtetësi amerikane.
Aplikantët për viza që oficerët konsullorë konsiderojnë kryesisht ardhjen në Shtetet e Bashkuara për lindjen e fëmijëve tani do të trajtohen si të huajt e tjerë që vijnë për trajtim mjekësor, sipas udhëzimeve më të fundit të Departamentit të Shtetit.
Aplikantët do të duhet të dëshmojnë se po vijnë për trajtim mjekësor dhe se kanë para për të paguar trajtimin, raporton Associated Press.
Departamenti i Shtetit njoftoi se rregullat e reja do të hyjnë këtë të premte, 23 janar.
Praktika e të udhëtuarit drejt SHBA për lindjen e fëmijëve është në thelb e ligjshme, megjithëse ka raste sporadike kur policia ka arrestuar operatorët e agjencive “të lindjes së fëmijëve” për mashtrime me vizat ose evazion fiskal.
Gratë shpesh janë të sinqerta për qëllimet e tyre kur aplikojnë për viza dhe madje tregojnë kontrata të nënshkruara me mjekët dhe spitalet ku ata duan të lindin.
Administrata e Presidentit Donald Trump kufizon të gjitha format e imigracionit, por Trump posaçërisht e ka adresuar çështjen e shtetësisë nga lindja.
Çdo person i lindur në Shtetet e Bashkuara konsiderohet qytetar amerikan.
Por Trump kundërshtoi këtë praktikë dhe kërcënoi se do ta shfuqizonte, por ekspertët dhe anëtarët e administratës së tij thanë se nuk ishte aq e thjeshtë. /tesheshi.com/
