Kur Donald Trump vërejti që është “e mundshme” që gjykatësit muslimanë do të ishin të njëanshëm kundër tij, ai me gjasa nuk e dinte sesa gjykatës muslimanë ka në gjykatat federale të Amerikës. Numri mund të vijë si surprizë edhe për shumë njerëz të tjerë. Asnjë!
Një realitet i tillë është aktual edhe pas nxitjes së Barak Obamës për ta bërë më të larmishëm një sistem gjyqësor që prej shumë kohësh dominohet nga të bardhët. Ka më shumë femra, afro-amerikanë, latino-amerikanë dhe gjykatës homoseksualë si kurrë më parë, por ka një mungesë absolute të muslimanëve që ilustron më së miri, sistemin e dominuar që ai trashëgoi. Dhe siç druhen disa vëzhgues, një presidencë Trump do të çbëjë vite të tëra të një progresi të vështirë në këtë drejtim.
I nominuari republikan është dënuar në mënyrë të përsëritur për komentet e tij jo vetëm kundër muslimanëve por edhe për akuzën e njëanshmërisë ndaj Gonzalo Curiel, gjykatësit amerikan me origjinë meksikane që lejoi daljen e disa dokumenteve të sikletshëm nga universiteti Trump.
“Eshtë shumë e dëmshme për të gjithë perceptimin sesi shihet sistemi gjyqësor”, thotë Christopher Kang, ish-ndihmës i Obamës. “Gjyqësori është dhe duhet të shihet si një degë e drejtë dhe e pavaruar nga qeveria, dhe unë mendoj se këto lloj karakterizimesh të shtrira e sinqerisht rraciste vetëm sa e dëmtojnë institucionin”.
Aktualisht, janë 785 gjykatës federalë, sipas qendrës federale të Gjyqësorit, me rreth 90 vende që janë vakante. Kjo trupë përbëhet nga 520 burra dhe 265 gra. Thyerjet rracore janë me 107 afro-amerikanë, 80 hispanikë, 25 me origjinë nga ishujt aziatikë të Paqësorit, një indian vendas dhe 579 të bardhë. (disa gjykatës identifikohen me më shumë se një rracë)
Feja nuk dallohet në të dhënat zyrtare por sipas disa organizatave jo-qeveritare konfirmohet se nuk ka asnjë gjykatës federal që e identifikon veten si musliman. Vlerësohet se muslimanët përbëjnë rreth 1 për qind të popullsisë në Shtetet e Bashkuara.
Farhana Khera, drejtore ekzekutive e grupimit të avokatëve muslimanë thotë: Sistemi gjyqësor i kombit tonë është më i fortë kur gjykatësit reflektojnë përbërjen e pasur të Amerikës. Ka një numër muslimanësh amerikane që shërbejnë ose janë shërbyer si gjykatës në nivel shtetesh, dhe është koha e duhur që një musliman të nominohet në sistemin federal të gjyqësorit”
Presidenti Obama vlerësohet gjerësisht se ka bërë më shumë sesa çdo president tjetër, e ndoshta se të gjithë presidentët e mëparshëm së bashku, për ta bërë gjyqësorin më përfaqësues të përbërjes së kombit. Rreth 43 për qind e të nominuarve të tij kanë qenë grad he 36 për qind jo të bardhë, krahasuar me bilancin e Xhorxh Bush me 22 për qind dhe 18 për qind respektivisht dhe me bilancin e Reganit, 8 dhe 6 për qind.
Kang, i cili ka shërbyer në përzgjedhjen dhe konfirmimin e të nominuarve të presidentit thotë: “Mendoj se është koha e duhur. Ka pasur mbështetje dypalëshe nga demokratët dhe republikanët në kërkim të rritjes së larmishmërisë së gjyqësorit. Mendoj se momenti është në kulmin e vet”.
Por ai shprehet i vetëdijshëm: “Nuk kemi pyetur ndonjëherë për fenë. Kushtetuta e ndalon testimin fetare. Por nuk është as diçka që mund ta kategorizikosh lehtësisht”.
Gjithsesi, e gjithë puna e administratës Obama në hapjen e sistemit gjyqësor, duket se po vihet në dyshim nga republikanët ndërsa presidenti i afrohet fundit të mandatit të dytë.
Dikur e paimagjinueshme, por dalja e Trump- që është zotuar të ndalojë hyrjen e muslimanëve në vend – si kandidat zyrtar i partisë i mbush me shqetësim aktivistët e larmishmërisë së gjyqësorit. “eshtë tmerrësisht shqetësuese. Do të ishte një hap i madh pas në punën e bërë që gjyqësori të reflektojë përbërjen e kombit”.
Përgatiti: Juli Prifti – /tesheshi.com/
