Presidenti Trump bëri thirrje të enjten për një shtyrje të zgjedhjeve presidenciale, të planifikuara për në 3 nëntor, duke thënë se një votimi me korrespondencë mund të çojë në mashtrim dhe rezultate të pasakta.
Në një mesazh në Twitter, ai sugjeroi që zgjedhjet të shtyheshin deri në kohën kur njerëzit do të jenë në gjendje të votojnë “në mënyrë të saktë dhe të sigurt”.
Përkundër faktit se nuk ka prova për të mbështetur pretendimin e tij, Trump ka kundërshtuar prej kohësh votën e korrespondencës, duke besuar se ajo hap mundësinë për mashtrim elektoral.
Shtetet duan të lejojnë votimin me korrespodencë për të zvogëluar rrezikun e infeksionit të votuesve.
Sipas CNN, Trump nuk ka autoritetin kushtetues për të shtyrë zgjedhjet, por Kongresi mund ta bëjë këtë, ku demokratët kanë shumicën.
Sipas sondazheve dhe hulumtimeve, Donald Trump po mbetet pas kandidatit demokrat Joe Biden për udhëheqjen e vendit gjatë epidemisë së virusit koronar dhe protestave pas vrasjes së afro-amerikanit George Floyd. /tesheshi.com/
