Presidenti Donald Trump dhe homologu i tij rus Vladimir Putin, do takohen për herë të parë kokë më kokë javën e ardhshme në samitin e G20-s në Hamburg.
Këshilltari i Sigurisë Kombëtare, H.R. McMaster e bëri njoftimin të enjten, në takimin me gazetarë në Shtëpinë e Bardhë. McMaster nuk sqaroi megjithatë nëse pjesë e bisedimeve do të jetë edhe ndërhyrja ruse në presidencialet amerikane të vitit 2016.
Nuk ka një agjendë të caktuar, tha zyrtari i lartë, duke shtuar se “varet çfarë duan të bisedojnë presidentët”. Takimi vjen në mesin e stuhisë që kanë shkaktuar pretendimet e ndërhyrjes ruse në zgjedhje me veprime ku përfshihen sulme kibernetike dhe fushata të keqinformimit, si dhe hetimeve të ngritura në Shtetet e Bashkuara për këtë qëllim.
Ndërsa nga ana tjetër Moska totë se takimi i presidentit rus Vladimir Putin dhe homologut të tij amerikan, Donald Trump do të qartësojë marrëdhëniet e ardhshme midis dy vendeve. “Rëndësi e veçantë në ditët e sotme i kushtohet marrëdhënieve në mes të Rusisë dhe Shteteve të Bashkuara, nga të cilat varen zgjidhjen e shumë çështjeve ndërkombëtare – nga sigurimi i stabilitetit strategjik me zgjidhjen e krizave rajonale”, ka thënë ministri i Jashtëm rus Sergei Lavrov, raportojnë mediat ruse./tesheshi.com/
