Kandidati republikan në zgjedhjet presidenciale amerikane, i shumëkomentuari Donald Trump, është takuar me presidentin egjiptian Abdulfettah es- Sisi, ndërsa ky i fundit ka fluturuar drejt SHBA-ve për të marrë pjesë në punimet e Asamblesë së Përgjithshme të OKB-së.
Takimi është zhvilluar në mjediset e aeroportit La Guardia në Nju Jork, dhe ishte paralajmëruar më herët.
Es-Sisi është takuar dhe me kandidaten demokrate, Hillary Clinton, por më shumë vëmendje ka marrë takimi me Trump-in. Për kandidatin republikan, ky ka qenë takimi i parë i tij me një udhëheqës nga bota muslimane.
E duket se ka qenë një takim shumë miqësor, pasi, sipas një njoftimi të mëpastajshëm, presidentit egjiptian i është premtuar një miqësi besnike.
Trump mësohet t’i ketë Sisi-t se, “nën administratën e tij, Shtetet e Bashkuara të Amerikës do të jenë një mik besnik, jo thjesht një aleat”.
Nga drejtuesit e fushatës së Trump-it është thënë gjithashtu se kandidati republikan e ka njohur presidentin egjiptian me “vlerësimin e tij të lartë për muslimanët paqedashës”.
Abdulfettah es-Sisi e mori pushtetin me forcë në Egjipt tre vite të shkuara, përmes një puçi ushtarak. /tesheshi.com/
